Ուկրաինայի նախագահ Վոլոդիմիր Զելենսկու խոսքով՝ Գերագույն գլխավոր հրամանատարի շտաբի նիստում քննարկվել են Ուկրաինայի էներգետիկ օբյեկտների պաշտպանությունը ռուսական կողմից հարձակումից, ինչպես նաև հակաօդային պաշտպանության պաշարների համալրումը։

«Մարտահրավերները շատ լուրջ են։ Ռուս ահաբեկիչները կրկին հարձակվել են Ուկրաինայի էներգետիկ սեկտորի վրա: Մենք քննարկեցինք ֆիզիկական պաշտպանության ամենաարդյունավետ մեթոդները և դրանց ներդրումը այլ հաստատություններում: Ահաբեկչական երկիրը ցանկանում է կրկնել էկոլոգիական աղետը Խերսոնի շրջանում, սակայն այժմ վտանգի տակ է ոչ միայն Ուկրաինան, այլևՄոլդովան»,- ասել է Ուկրաինայի նախագահը։

Վոլոդիմիր Զելենսկու խոսքով՝ եթե պատերազմը ժամանակին չդադարեցվի, Ռուսաստանը կանգ չի առնի Ուկրաինայի վրա։

Բացի այդ, Զելենսկին հավելել է, որ հանդիպմանը քննարկվել են զենքի և զինամթերքի ապագա մատակարարման հարցերը։

Ուկրաինայի նախագահի խոսքով՝ ինքը խնդրել է ուժեղացնել աշխատանքը գործընկերների հետ։