Ուկրաինայի նախագահ Վոլոդիմեր Զելենսկին հայտարարում է, որ տեղյակ չի եղել Միխեիլ Սաակաշվիլիի Վրաստան ուղևորվելու մասին և շատ է զարմացել, երբ այդ լուրն իմացել է լրատվամիջոցներից:

Դրա հետ մեկտեղ, հարցին, թե ինչու է Միխեիլ Սաակաշվիլին այդպես վարվել, Զելենսկին պատասխանել է, որ իր գնահատմամբ Սաակաշվիլին սխալ է գործել:

«Ես պետք է մտածեմ նրա մասին, որպես Ուկրաինայի քաղաքացի: Դուք ինքներդ նշեցիք, այնտեղ տեղական ընտրություններ էին, հավանաբար կարծում էիք, որ դա քաղաքական քայլ է, թեև չգիտեմ: Այս որոշման մասին ես նախապես տեղյակ չէի: Կարծում եմ, որ դա սխալ է, նա դեռ իշխանության ղեկին է և սխալ է, բայց անհրաժեշտ է հստակեցնել բոլոր մանրամասները և մեր պետության համար բոլոր ռիսկերը», – ասել է Զելենսկին:

Վոլոդիմեր Զելենսկին նաև ասել է, որ Ուկրաինան բոլոր մակարդակներում կբարձրացնի Միխեիլ Սաակաշվիլիի վերադարձի հարցը: