Երբ մենք խոսում ենք կառավարության ծրագրի մասին, երկրի ժողովրդավարացման հետագա համախմբումը չափազանց կարևոր է, այդ թվում` մարդու իրավունքների առումով,- այս մասին Վրաստանի վարչապետի թեկնածու,  Գիորգի Գախարիան հայտարարել է խորհրդարանում «Վրացական երազանք» խմբակցության անդամների հետ հանդիպման ժամանակ:

Կառավարության ղեկավարը ընդգծել է, որ ոչ մի ձեռքբերում ի վերջո չի կարող արդյունավետ լինել, եթե երկրի ժողովրդավարացման գործընթացում իրական արդյունքների չհասնեն:

«Ոչ մի ձեռքբերում, լինի դա անվտանգության, բարեփոխումների կամ տնտեսական զարգացման տեսանկյունից, ի վերջո չի կարող արդյունավետ լինել և չի տանի մեզ վերջնական նպատակին, եթե մենք չհասնենք իրական արդյունքների երկրի ժողովրդավարացման համախմբման գործընթացում, եթե մենք չհաստատենք մարդու իրավունքների չափանիշների մակարդակ: Մենք բոլորս դա շատ լավ հասկանում ենք, և մեր թիմը միշտ եղել է մարտահրավերներին համապատասխան այս առումով»,- հայտարարել է վարչապետը: