Փոթիում դեռ ուժգին քամի է. Ծառեր են տապալվել, էլեկտրական սյուները վնասվել են։ Ուժեղ քամու հետեւանքով վնասվել է քաղաքի գլխավոր տոնածառը։ Քաղաքի մի մասը ապահովված չէ ջրով և էլեկտրականությամբ։ «Էներգո Պրո Ջորջիա»-ի քաղաքապետարանի ծառայություններն ու տեխնիկական խմբերը վերականգնողական աշխատանքներ են իրականացնում, և նրանց տեղեկություններով՝ աստիճանաբար կվերականգնվի բաժանորդների էլեկտրամատակարարումը։

Ըստ հիդրոգրաֆիական ծառայության սինոպտիկ բաժնի՝ ուժեղացել է արևելյան քամին, ափամերձ հատվածում հայտարարվել է փոթորկոտ վիճակ։

«Փոթիում, ցավոք, ուժեղ քամիները շարունակում են փչել, վնասները բավականին մեծ են։ Ստեղծվել է վնասի գնահատման խումբ՝ պատճառված վնասը նկարագրելու համար։ Այս դեպքերից մեկի ժամանակ մեր աշխատակիցը վիրավորվել և բազմաթիվ կոտրվածքներով տեղափոխվել է կլինիկա, և նրան կտրամադրվի համապատասխան օգնություն։ Քաղաքապետարանի համապատասխան ծառայությունների կողմից ստեղծվել են աշխատանքային խմբեր, որոնք աշխատելու են շուրջօրյա։ Բնակիչները կարող են զանգահարել թեժ գիծ կամ կապ հաստատել իրենց թաղամասի քաղաքապետի ներկայացուցիչների հետ»,- ասել է Փոթիի քաղաքապետ Բեքա Վաճարաձեն։