Ուկրաինայում Վրաստանի դեսպան Գիորգի Զաքարաշվիլիի խոսքով, Խարկովի մոտ երկու վրացի մարտիկ է զոհվել, չորսը՝ վիրավորվել։

Ինչպես Վրաստանի Առաջին ալիքին հայտնել է Գիորգի Զաքարաշվիլին, բոլոր վիրավորները բուժօգնություն են ստանում։

«Մեր տեղեկություններով՝ Խարկովի մոտ բախում է տեղի ունեցել, որտեղ երկու վրացի է զոհվել, չորս վրացի մարտիկ՝ վիրավորվել։ Ինչպես գիտենք, վիրավորները ստանում են անհրաժեշտ բժշկական օգնությունը, մենք նրանց հետ ենք, և նրանք ակնկալիք ունեն, որ հնարավոր կլինի նրանց տարհանումը, ինչպես նաև զոհերի դիակները։ Հետևաբար, եթե դա արվի, ապա արդեն պարզ է, որ մենք կներգրավվենք և կանենք հնարավորը զոհերին դուրս բերելու և վիրավորելու տարհանելու համար։ Ամեն ինչ կախված է նրանց ֆիզիկական վիճակից, այդ թվում՝ որքան գիտենք, նրանք բավականին ծանր վնասվածքներ ունեն, ամեն ինչ պարզ կլինի առաջիկա ժամերին ու օրերին։ Հուսանք, որ կկարողանանք դուրս բերել վիրավորներին»,- ասաց դեսպանը։

Այն հարցին, թե զոհերն ու վիրավորները Վրաստանի քաղաքացիներ են, դեսպանը պատասխանել է. «Որքանով մենք գիտենք, նրանք Վրաստանի քաղաքացիներ են, բայց ես դեռ հստակ չեմ կարող ասել»: