Ուկրաինայում ռուսական օդուժի հարվածների հետևանքով զոհվել է առնվազն յոթ մարդ, վիրավորվել՝ ութը
Ուկրաինայի դեմ Ռուսաստանի կողմից իրականացված օդային հարձակումների հետևանքով զոհվել է առնվազն յոթ մարդ։ Տեղեկությունը տարածում է ուկրաինական մեդիան։
Մասնավորապես, Դոնեցկի մարզի Դրուժկովկա քաղաքում հարվածների արդյունքում զոհվել է յոթ քաղաքացի, ևս ութը վիրավորվել են։
Դոնեցկի մարզային ռազմական վարչակազմի ղեկավար Վադիմ Ֆիլաշկինը սոցիալական ցանցերում գրել է, որ ռուսական ուժերը քաղաքին հարվածել են կասետային ռումբերով։
Նրա հաղորդմամբ՝ հարձակման թիրախը եղել է մարդաշատ շուկայի տարածքը։ Ֆիլաշկին նաև նշել է, որ զոհերի թիվը կարող է աճել։