Վրաստանի խորհրդարանում Ուկրաինային օգնելու համար անհատույց արյան դոնորության ակցիա կանցկացվի, որի ընթացքում խորհրդարանի անդամներն ու աշխատակազմը արյուն են նվիրաբերելու ռազմական գործողությունների ժամանակ վիրավորված ուկրաինացի մարտիկներին,- ասել է Առողջապահության և սոցիալական հարցերի խորհրդարանական կոմիտեի նախագահ Դիմիտրի Խունդաձեն:

Ինչպես նշել է Դիմիտրի Խունդաձեն, այսօր ամենածանր օրն ունեն ոչ միայն Ուկրաինան և Եվրոպան, այլև ողջ աշխարհն իրական վտանգի տակ է, ռուսական ագրեսիան հատել է բոլոր սահմանները։

«Այսօր Ուկրաինան Վրաստանից հետո այս ագրեսիայի զոհն է։ Արդեն մի քանի օր է, ինչ ուկրաինացի ժողովուրդը հերոսաբար կռվում է: Այսօր աշխարհը միասնական է, և ես հավատում եմ, որ դա անպայման արդյունքի կբերի։ Այսօր Ուկրաինան մեր աջակցության և օգնության կարիքն ունի։ Վրաստանի կառավարությունը 100 տոննա մարդասիրական օգնություն է ուղարկել՝ դեղամիջոցներ, սպառվող նյութեր, արյան բաղադրամասեր և այլն։ Բազմաթիվ վիրավոր զինվորներ և խաղաղ բնակիչներ մարտի դաշտում, վիրավորվում են երեխաներ:

Երեկ մենք որոշեցինք ուկրաինացիներին օգնելու համար ծրագրել արյան նվիրատվության լայնածավալ ակցիա։ Ակցիան արդեն կազմակերպված է և սկսում ենք այսօր՝ Խորհրդարանի Բ շենք, 017-018-019 սենյակներ։ Պարզաբանում եմ նաև, որ խորհրդարանում ակցիան լինելու է պատգամավորների և խորհրդարանի աշխատակիցների համար։

Դրսում երիտասարդների արյունը եռում է։ Այս եռացող արյունը մենք կհավաքենք ու կուղարկենք մեր բարեկամ ուկրաինացիներին։

Դիմում եմ առողջապահության նախարարությանը՝ ամբողջ երկրում արյան դոնորության կետեր կազմակերպելու համար։ Կոչ եմ անում նաև բոլոր պատգամավորներին, հատկապես մեծամասնության անդամներին, ովքեր կարող են իրենց թույլ տալ գումար հավաքել սեփական խնայողություններից և ուկրաինացի ընկերներին ուղարկենք բժշկական պարագաներ։ Ես ուզում եմ դա կազմակերպել ձեզ համար հասկանալի պատճառով, խնդրեմ Դավիթ Սերգեենկոյին: Ուկրաինացի ժողովրդին մաղթում եմ տոկունություն և հաղթանակ ազատության համար մղվող պայքարում։ Վրաստանը նրանց կողքին է մասնակից է լինելու այս ողջ գործընթացին»,- ասել է Խունդաձեն։