Ուկրաինայի զինված ուժերի գլխավոր շտաբի տվյալներով՝ ռուսական հարձակումն իրականացվում է առավելապես Ավդեևկի և Կուպիանսկի ուղղությամբ։ Անցած օր ու գիշեր Ուկրաինայի պաշտպանության ուժերը Ավդեևկիի ուղղությամբ հետ են մղել 30 հարձակում, իսկ Կուպիանսկի ուղղությամբ՝ 12 հարձակում։ Ուկրաինայի և Ռուսաստանի զինված ուժերի միջև վերջին մեկ օրում տեղի է ունեցել 74 մարտական ​​բախում։ Հակառակորդը երեք հրթիռային և 43 ավիահարված է հասցրել և ավելի քան 64 անգամ կրակել հրթիռային համակարգերից։

Բացի այդ, օկուպացիոն ուժերը հարձակվել են Ուկրաինայի վրա 14 «կամիկաձե անօդաչու թռչող սարքերով»։ Գլխավոր շտաբի տեղեկություններով՝ հակաօդային պաշտպանությունը բոլորին ոչնչացրել է։ Ռուսական ագրեսիայի հետևանքով խաղաղ բնակչության շրջանում կան զոհեր և վիրավորներ։

Ուկրաինայի գլխավոր շտաբը նշում է, որ հակառակորդը դեռ փորձում է շրջապատել Ավդեևկին, սակայն ուկրաինական ուժերը վճռականորեն պահպանում են իրենց պաշտպանությունը։ Անցած օր ու գիշեր ուկրաինական ուժերը հարվածներ են հասցրել ռուսական կենդանի ուժի, սպառազինության և ռազմական տեխնիկայի կենտրոնացման 24 շրջաններին։