Ուկրաինայի զինված ուժերի գլխավոր շտաբը հայտարարել է, որ Դոնեցկի շրջանի վրա հարձակման հետեւանքով 19 ռուս զինծառայող է զոհվել։

Գլխավոր շտաբի տվյալներով՝ ռեակտիվ համակարգը հարվածել է Ելենովկա բնակավայրում ռուս զինվորականների կողմից կազմակերպված շենքին։ Արդյունքում զոհվել է 19 ռուս զինվոր։ Նրանց թվում է ստորաբաժանման հրամանատարի տեղակալը։ Եվս 12 զինվոր վիրավորվել է։

Տելեգրամ ալիքներով տարածված տեղեկատվության համաձայն՝ ուկրաինացի զինվորների հարձակման հետեւանքով զոհվել են ռուս ծովային հետեւակի 155-րդ բրիգադի անձնակազմը։

Գերագույն Ռադայի նախկին պատգամավոր Օլեգ Ցարյովը հայտնել է ուկրաինացիների կողմից իրականացված հարձակման մասին։ Նրա խոսքով՝ հարձակումն իրականացվել է «Հայմարս» հրթիռներով։

Վերջին երկու շաբաթվա ընթացքում սա արդեն երրորդ նման հարձակումն է։ Փետրվարի 20-ին ուկրաինական բանակը «Hymars» հրթիռներով հարվածել է Դոնեցկի մարզում գտնվող ռազմական պոլիգոնին, ինչի հետևանքով 60 ռուս զինվոր է զոհվել։ Փետրվարի 21-ին հարձակում է իրականացվել Խերսոնի շրջանում։ Կիևում ասում են, որ այս հարձակման հետևանքով զոհվել է նաև առնվազն 60 ռուս զինվոր։