Ուկրաինայի զինված ուժերի գլխավոր շտաբի տվյալներով՝ ավելի քան 300 դատապարտյալներ, որոնք ուղարկվել են Ուկրաինա կռվելու, տեղափոխվել են Լուգանսկի շրջանի հիվանդանոցներ։ Նրանց տվյալներով՝ Զապոռոժյեի շրջանում Ուկրաինայի զինված ուժերի կողմից բացված կրակի արդյունքում ռուսական բանակը կորցրել է 85 զինվոր, որոնք վիրավորվել են և չեն կարող շարունակել մարտը։

Ուկրաինայի զինված ուժերի գլխավոր շտաբը հայտարարել է, որ վերջին 24 ժամվա ընթացքում ռուս օկուպանտները յոթ հրթիռ և 12 ավիահարված են հասցրել Ուկրաինայի տարածքին։ Միաժամանակ 80 անգամ օգտագործվել են համազարկային կրակի ռեակտիվ համակարգեր։ Ռուսական բանակն ընդհանուր առմամբ հարվածներ է հասցրել ավելի քան 20 բնակավայրերի։ Նրանց թվում գիշերը ռմբակոծվել է Խարկովը։ Արդյունքում մի քանի մարդ վիրավորվել է, վնասվել են քաղաքացիական օբյեկտներ։

Բացի այդ, Գլխավոր շտաբի ամենօրյա ծանուցման մեջ նշվում է, որ ուկրաինացի զինվորականները վերջին մեկ օրում կարողացել են հետ մղել ռուսական հարձակման փորձը 17 բնակավայրերի վրա։

Ուկրաինացիները ոչնչացրել են նաև գետի վրա ռուսական բանակի կողմից կազմակերպված պոնտոնային անցումը։ Վերջին 24 ժամում ուկրաինական ավիացիան 30 ավիահարված է հասցրել ռուսական դիրքերին ու ռազմական օբյեկտներին։ Ռուսական զինտեխնիկան ոչնչացված և վնասված է: Դրանցից երկու ուղղաթիռ եւ հինգ անօդաչու թռչող սարք են խոցվել։ Շարքից դուրս են բերվել Ռուսաստանին պատկանող վեց հակաօդային համակարգեր:

Բացի այդ, Ուկրաինայի Գլխավոր շտաբի տվյալներով, պատերազմի սկզբից ռուսական բանակի կորուստը գերազանցում է 62 հազար զինծառայողը։