Ուկրաինայի ցամաքային զորքերը հիմնականում կենտրոնացած են պաշտպանության վրա, ասել է Ուկրաինայի Զինված ուժերի ցամաքային զորքերի հրամանատար Ալեքսանդր Սիրսկին։

«Մեր նպատակները մնում են անփոփոխ՝ պահպանել մեր դիրքերը և հոգնեցնել թշնամուն՝ հասցնելով առավելագույն կորուստներ», – ասել է Սիրսկին Reuters-ին տված հարցազրույցում։

Սիրսկին նշել է, որ չնայած կորուստներին, Ռուսաստանի նպատակը Դոնբասի շրջանի նկատմամբ լիարժեք վերահսկողություն հաստատելն է։ Միաժամանակ Ռուսաստանը հույս ունի վերականգնել կորցրածը հարավային Խերսոնի և Զապորոժիայի շրջաններում։

Իր հերթին ուկրաինական զորքերը փոքր հակագրոհներ են ձեռնարկում, որոնք Սիրսկին անվանել է «ակտիվ պաշտպանություն»։

Սիրսկին նաև նշել է, որ երկու կողմերի մարտերն ավելի փոքր մասշտաբով են ընթանում զինամթերքի և մարդկանց պահպանման համար, ինչը ցույց է տալիս, որ Ռուսաստանը սովորել է արձագանքել և խուսափել կորուստներից։