Ուկրաինայի վարչապետը շնորհավորել է Գիորգի Գախարիային՝ վարչապետի պաշտոնում վերանշանակվելու կապակցությամբ
Ուկրաինայի վարչապետ Դենիս Շմիգալը շնորհավորել է Գիորգի Գախարիային՝ վարչապետի պաշտոնում վերանշանակվելու կապակցությամբ:
Այսօր տեղի է ունեցել հեռախոսազրույց երկու երկրների վարչապետների միջեւ:
Դենիս Շմիգալը հաջողություն է մաղթել Գիորգի Գախարիային և համոզմունք հայտնել, որ երկու երկրների գործընկերությունն էլ ավելի կխորանա:
Զրույցը նվիրված էր Վրաստանի և Ուկրաինայի միջև բարեկամական կապերին և տարբեր ոլորտներում հաջող համագործակցությանը:
Վարչապետները նշել են, որ Վրաստանն ու Ուկրաինան ունեն ընդհանուր եվրոպական նկրտումներ, ինչպես նաև մարտահրավերներ և ընդգծել են խաղաղության և կայունության կարևորությունը երկու երկրների հետագա զարգացման համար:
Տեղեկատվությունը տարածում է Վրաստանի վարչապետի մամուլի ծառայությունը: