Ուկրաինայի Ռադայի արտաքին հարաբերությունների կոմիտեի նախագահ Օլեքսանդ Մերեժկոն շնորհակալություն է հայտնել Վրաստանի խորհրդարանին Ուկրաինային ցուցաբերած աջակցության և համերաշխության համար։

Օլեքսանդ Մերեժկոն արձագանքել է Վրաստանի արտաքին հարաբերությունների կոմիտեի նախագահի առաջին տեղակալ Գիորգի Խելաշվիլիի թվիթերյան գրառմանը, որը վերաբերում է Ուկրաինային աջակցող բանաձեւին։

«Շատ շնորհակալ եմ Ուկրաինային աջակցության և համերաշխության համար»,- գրել է Ուկրաինայի արտաքին հարաբերությունների Ռադայի կոմիտեի նախագահը։

Վրաստանի խորհրդարանը բանաձեւ է ընդունել՝ ի պաշտպանություն Ուկրաինայի։ Ուկրաինայում հնարավոր ռազմական էսկալացիայի վերաբերյալ Վրաստանի խորհրդարանի բանաձեւի տեքստը, որն ընդունվել է խորհրդարանում, ներկայացրել է «Վրացական երազանք» կուսակցությունը։ Փաստաթուղթը մշակել են խորհրդարանական մեծամասնության անդամներ Գիորգի Խելաշվիլին, Մակա Բոճորիշվիլին, Լևան Քարումիձեն, Գիվի Միքանաձեն և Թամար Տալիաշվիլին: Տեքստում նշվում է, որ Վրաստանը դատապարտում է ցանկացած մտադրություն, որը կարող է ուղղված լինել ինքնիշխան պետության տարածքային ամբողջականության դեմ։