Ուկրաինայի պաշտպանության նախարարությունը պարզաբանում է տալիս նախարար Ռուստեմ Ումարովի հայտարարության վերաբերյալ: Ինչպես նշվում է գերատեսչությունում, արտասահմանում գտնվող ուկրաինացի տղամարդկանց բանակ զորակոչելու հարց օրակարգում չկա։

Այս մասին հայտնում են ուկրաինական լրատվամիջոցները։

«Օրակարգում դրսից զորակոչ չկա: Եթե ​​արտերկրում գտնվող Ուկրաինայի քաղաքացիները ցանկանում են միանալ բանակին, նրանք գալիս են Ուկրաինա և միանում»,- ասել է նախարարության մամուլի և տեղեկատվության վարչության պետ Իլարիոն Պավլյուկը։

Ավելի վաղ գերմանական հրատարակություններում հրապարակվել էր Ռուստեմ Ումերովի հարցազրույցը, որում նա ասում է, որ Ուկրաինայի կառավարությունը նախատեսում է արտասահմանում գտնվող ուկրաինացի տղամարդկանց զորակոչել բանակ։ Գերատեսչության ներկայացուցչի խոսքով՝ նախարարն ընդհանուր առմամբ խոսել է հավաքագրման և երկրից դուրս բնակվող ուկրաինացիներին փոխանցելու անհրաժեշտության մասին, թե որքան կարևոր է նրանց համար բանակ մտնելը։

Պավլյուկի խոսքով, դրսից բանակ զորակոչելու մեխանիզմների քննարկումն օրակարգում չկա։