Ուկրաինան և Եվրամիությունն անցկացրել են անվտանգության փաստաթղթի շուրջ բանակցությունների վերջին փուլը։ Կողմերը նախատեսում են փաստաթուղթը ստորագրել մոտ ապագայում։ Այս մասին տեղեկատվություն են տարածում ուկրաինական լրատվամիջոցները՝ հիմնվելով նախագահի գրասենյակի վրա։

«Ուկրաինայի և Եվրամիության բանակցային թիմերը վերջնական տեսքի են բերել անվտանգության փաստաթղթի տեքստի վերաբերյալ համաձայնագիրը և որոշել, որ այն կստորագրվի մոտ ապագայում»,- նշված է Ուկրաինայի նախագահի գրասենյակի հայտարարության մեջ։

Փաստաթղթի համաձայն՝ Եվրամիությունը խոստանում է ռազմական օգնություն տրամադրել Ուկրաինային, ինչպես նաև օգնել վերակառուցման, զորավարժությունների, պաշտպանության ոլորտում բարեփոխումների իրականացման, հիբրիդային սպառնալիքների և կիբերհարձակումների դեմ պայքարում համագործակցելու համար։