Այսօր ժամը 22:00-ին Վրաստանի Առաջին ալիքով անցկացվող «Մենք Ուկրաինայի համար» բարեգործական մարաթոնի առնչությամբ վրաց հանդիսատեսին է դիմում Ուկրաինայի հանրային հեռարձակողի գլխավոր տնօրեն Նիկոլայ Չերնոտիցկին:

Նիկոլայ Չերնոտիցկին շնորհակալություն է հայտնում Վրաստանին աջակցության համար։

«Հարգելի վրացի բարեկամներ, մենք երախտապարտ ենք ձեր աջակցության համար։ Ուկրաինացիներն ամեն օր պայքարում են իրենց անկախության համար: Համոզված եմ, որ մենք ավելի ուժեղ կլինենք այն աջակցությամբ, որ ստանում ենք ձեզանից։ Մենք մինչև վերջ պայքարելու ենք ագրեսորի դեմ, որը հարձակվել է 2008 թվականին Վրաստանի վրա, իսկ 2014 և 2022 թվականներին՝ Ուկրաինայի վրա։ Վստահ եմ, որ միասին մենք կվերականգնենք ձեր և մեր ազատությունը։ Կրկին շնորհակալություն. Կեցցե Վրաստանը»,- ասել է Ուկրաինայի հանրային հեռարձակողի ղեկավարը։

Վրաստանի Առաջին ալիքը Կարմիր Խաչի հետ համատեղ կանցկացնի բարեգործական մարաթոն՝ «Մենք Ուկրաինայի համար»՝ ի պաշտպանություն ուկրաինացի ժողովրդի և ի նշան Ուկրաինայի հանրային հեռարձակողի համերաշխության։ Դա հանրային հեռարձակողների համերաշխության հանրահավաքն է ողջ Եվրոպայում, մարաթոնը սկսվեց Վարշավայում, այսօր Թբիլիսիում և Պրահայում, հետո Տալլինում և Բուխարեստում, ինչպես նաև եվրոպական բոլոր մայրաքաղաքներում, նպատակը մեկն է՝ օգնել ուկրաինացի ժողովրդին։