Ուկրաինայի ուժերը դուրս են եկել Դոնեցկի մարզի Սեվերսկ քաղաքից։ Ուկրաինայի Զինված ուժերի Գլխավոր շտաբի տեղեկությամբ՝ ռուսական ուժերը Սեվերսկում զգալի առավելություն ունեն ինչպես մարդկային ռեսուրսների, այնպես էլ տեխնիկական սարքավորումների առումով։

«Սեվերսկի շրջանում ծանր մարտերը շարունակվում են։ Ռուս օկուպանտներն ունեն էական առավելություն մարդկային ռեսուրսներով և սպառազինությամբ և, չնայած լուրջ կորուստներին, շարունակում են ակտիվ հարձակողական գործողությունները։ Մեր զինվորների կյանքը և ստորաբաժանումների մարտական արդյունավետությունը պահպանելու համար ուկրաինացի պաշտպանները դուրս են եկել քաղաքից», – նշված է Ուկրաինայի Գլխավոր շտաբի հայտարարությունում։

Գլխավոր շտաբի տվյալներով՝ թվային գերակշռության և բարդ եղանակային պայմանների պայմաններում վերջին օրերին թշնամին առաջխաղացում է ունեցել։

Ինչ վերաբերում է Սլավյանսկ քաղաքին, հայտարարությունում նշվում է, որ քաղաքը շարունակում է մնալ Ուկրաինայի ուժերի վերահսկողության տակ։

«Քաղաքում օկուպանտները պարտություն են կրել, և նրանց լոգիստիկ շղթան խզված է։ Թշնամու ստորաբաժանումները շրջափակված են՝ հետագա առաջխաղացումը կանխելու նպատակով։ Պաշտպանական ուժերը շարունակում են կատարել մարտական առաքելությունները Սլավյանսկի ուղղությամբ», – նշված է Ուկրաինայի Գլխավոր շտաբի հաղորդագրությունում։