Ուկրաինայի գլխավոր հետախուզական վարչությունը հայտարարել է, որ անհայտ անձինք պայթյուն են կազմակերպել Ռուսաստանի Սամարայի մարզում գտնվող կամրջի վրա։ Հայտարարության մեջ նշվում է, որ Ռուսաստանն այս կամրջով ռազմական բեռներ էր տեղափոխում։

Ավելի վաղ ռուսական լրատվամիջոցները հայտնել էին, որ Ռուսաստանի Սամարայի մարզում պայթյունի հետեւանքով վնասվել է երկաթուղային կամուրջ։ Տարածված տեղեկությունների համաձայն՝ վնասվել է Չապաևկա գետի կամուրջը։ Վնասված են կամրջի մետաղական կոնստրուկցիաները և պաշտպանիչ ամբարտակները։ Ըստ նախնական տեղեկությունների՝ պայթյունի հետեւանքով կոնկրետ հենարանը չի փլուզվել։ Միջադեպի արդյունքում ոչ ոք չի տուժել։ Գնացքների շարժումը կամրջի վրա դադարեցված է։

Ավելի ուշ ռուսական հեռագրային ալիքներում հաղորդվել էր, որ Սամարայի շրջանի երկաթուղային գծում եւս մի քանի ինքնաշեն պայթուցիկ սարքեր են հայտնաբերվել։