Ուկրաինայի դեսպանին ևս մեկ անգամ տեղեկատվություն է տրամադրվել Միխեիլ Սաակաշվիլիի առողջական վիճակի և նրա անվտանգության պաշտպանության ուղղությամբ պետության ձեռնարկած քայլերի մասին. Վրաստանի արտաքին գործերի նախարարություն
Վրաստանի արտաքին գործերի նախարարությունում փոխնախարար Թեյմուրազ Ջանջալիան հանդիպել է Վրաստանում Ուկրաինայի դեսպան Իգոր Դոլգովի հետ։
Հանդիպմանը քննարկվել է Ուկրաինայի քաղաքացի Միխեիլ Սաակաշվիլիի հետ կապված իրավիճակը և Ուկրաինայի արտաքին գործերի նախարարության հայտարարությունը։
Ուկրաինայի դեսպանին ևս մեկ անգամ ներկայացվել են Միխեիլ Սաակաշվիլիի առողջության և անվտանգության պաշտպանության ուղղությամբ պետության ձեռնարկած քայլերը և նշել, որ ուկրաինական կողմը հնարավորություն ունի Միխեիլ Սաակաշվիլիին վերաբերող ցանկացած հարցի վերաբերյալ համապարփակ տեղեկատվություն ստանալ Ուկրաինայում Վրաստանի դեսպանատնից:
Ըստ այդմ, վրացական կողմը հույս է հայտնել, որ դա այլևս լրացուցիչ հարցեր չի առաջացնում գործընկեր պետության կողմից Միխեիլ Սաակաշվիլիի իրավունքների պաշտպանության վերաբերյալ, որն իրականացվում է Վրաստանի օրենսդրությանը և միջազգային չափանիշներին լիովին համապատասխան։
Հանդիպմանը վերահաստատվել է Վրաստան-Ուկրաինա ռազմավարական գործընկերությունը և ընդգծվել օրենսդրության, պետական ինստիտուտների և արդարադատության համակարգի նկատմամբ փոխադարձ հարգանքի կարևորությունը։
Տեղեկությունը տարածում է Վրաստանի արտաքին գործերի նախարարությունը։
