Ուկրաինայի գլխավոր դատախազ Յուրի Լուցենկոն արձագանքել է Օդեսային նախկին նահանգապետ, Միխեիլ Սաակաշվիլու գործով Պեչերսկի դատարանի կողմից կայացված որոշմանը:
Լուցենկոյի խոսքով, մեղադրական կողմը համաձայն չէ դատարանի որոշմանը և այն բողոքարկելու է սահմանված ժամկետում:
«Դատարանին փոխանցեցինք բոլոր փաստերը: Չնայած դրան, նրան ազատ են արձակել: Էմոցիաներս փորձում եմ զսպել, սպասենք բողոքարկմանը»,- հայտարարել է Լուցենկոն:
Միխեիլ Սաակաշվիլիին ազատել են Ուկրաինայի Պեչերսկի դատարանի դահլիճից:
Դատախազությունը պահանջում էր նրա նկատմամբ խափանման միջոց օգտագործել երկամսյա տնային կալանք:
Դատավարությանը ներկա էին Սանդրա Ռուլովսը, Յուլիա Տիմոշենկոն և լրագրողներ: Նիստին զուգահեռ դատարանի շենքի դիմաց հավաքված էին Միխեիլ Սաակաշվիլիի կողմնակիցները:
Դատարանի որոշումը բողոքարկելու համար մեղադրական կողմը ունի 5 օր ժամանակ:
