Ուկրաինան ամեն ինչ արել է խաղաղությունը պահպանելու համար, բայց չկարողացավ կանխել ռուսական լայնածավալ ագրեսիան, այսօր, երբ փորձում է հաղթահարել բարդ իրավիճակը, Վրաստանը կանգնած է նրա կողքին. Սալոմե Զուրաբիշվիլի
Վրաստանի նախագահ Սալոմե Զուրաբիշվիլիի խոսքով՝ ինքը չեղարկում է Օրբելիանիների պալատում նախատեսված ազգային համաձայնության ընթացիկ նիստը։
Զուրաբիշվիլիի խոսքով՝ այսօր ազգային համաձայնության հարցը մեկն է, դա Ուկրաինան է՝ մեր համերաշխությունը Ուկրաինայի հետ։
«Ես չեղարկել եմ այսօրվա ազգային համաձայնության նիստը, որը պետք է տեղի ունենար այստեղ, քանի որ այսօր ազգային համաձայնության հարցը մեկն է, դա Ուկրաինան է, մեր համերաշխությունն Ուկրաինային։ Ուկրաինայի համար այսօր ողբերգական օր է, թեև նա արեց ամեն ինչ խաղաղությունը պահպանելու համար, սակայն չկարողացավ խուսափել ռուսական լայնածավալ ագրեսիայից։ Այսօր, երբ նա փորձում է գլուխ հանել այս ծանր իրավիճակից, Վրաստանը կանգնած է նրա կողքին։ Այս օրը ողբերգական է նաև Վրաստանի և Եվրոպայի և աշխարհի բոլոր խաղաղասեր ժողովրդավարությունների համար, քանի որ պատերազմ է բռնկվել Եվրոպայի սրտում՝ չնայած երկխոսության բոլոր փորձերին», – ասել է Սալոմե Զուրաբիշվիլին։
