Ուկրաինական լրատվամիջոցների փոխանցմամբ՝ ռուսական ուժերը հրթիռային հարվածներ են հասցրել Խարկովին և Դնեպրոպետրովսկի շրջանին
Ռուսական ուժերը հրթիռային հարվածներ են հասցրել Խարկովին: Զոհվել է 46-ամյա կին: Ուկրաինական լրատվամիջոցները համապատասխան տեղեկատվություն են տարածում՝ հիմնվելով Խարկովի ռազմական շրջանի վարչակազմի ղեկավար Օլեգ Սինեգուբովի վրա։
Ռուսական բանակը հրթիռային հարձակում է իրականացրել Խարկովի երկու շրջանների վրա, ռմբակոծվել են արդյունաբերական և ենթակառուցվածքային օբյեկտները։
Գիշերը «Գրադից» ռմբակոծվել է Դնեպրոպետրովսկի մարզի Նիկոպոլ քաղաքը։ Վիրավորվել է չորս մարդ։
Լրատվամիջոցների տվյալներով՝ վնասվել է ավելի քան 30 բազմահարկ շենք ու առանձնատուն, ինչպես նաև դպրոցներ ու վարչական շենքեր։
Նիկոպոլը մնացել է առանց ջրամատակարարման՝ ջրի պոմպակայանի վնասման պատճառով: