Ուկրաինական բանակը հայտնում է, որ իրավիճակը Դոնեցկի մարզի Կուրախովո քաղաքում լուրջ է, ուկրաինացի զինվորականները պահպանում են իրենց դիրքերը քաղաքի արևմտյան ծայրամասում
Դոնեցկի մարզի Կուրախովո քաղաքում իրավիճակը բարդ է, ուկրաինացի զինվորականները պահպանում են իրենց դիրքերը քաղաքի արևմտյան ծայրամասում։ Այս մասին Ուկրաինայի զինված ուժերի «Խորտիցա» օպերատիվ-ռազմավարական խմբի մամուլի խոսնակ, մայոր Վիկտոր Տրեգուբովը հայտարարել է Ուկրաինայի ազգային հեռուստամարաթոնի եթերում։
«Ռուսները պարզապես փորձում են քանդել քաղաքի յուրաքանչյուր տուն։ Երբ քաղաքն ամբողջությամբ ավերվում է, պաշտպանությունը պահպանելու տեղ պարզապես չկա, քանի որ գործնականում ամրացվելու տեղ չկա: Եթե չկան տներ, եթե կա միայն այրված հող, անհնար է պաշտպանություն պահպանել: Այժմ Կուրախովոյում իրավիճակն իսկապես բավականին բարդ է, քանի որ քաղաքի զգալի հատվածը ավերվել է։ Ուկրաինական զորքերը մնում են քաղաքի արևմտյան մասում՝ նրա արևմտյան ծայրամասում։ Դրանց թվում նրանք պահպանում են քաղաքում տեղակայված էլեկտրակայանը»,- ասել են ուկրաինացի զինվորականները։
Մինչ այդ Ռուսաստանի ՊՆ-ն հայտարարություն էր տարածել Կուրախովո քաղաքի գրավման մասին։
Կուրախովոն գտնվում է Ուկրաինայի Դոնեցկի մարզի արևմուտքում և մտնում է Պոկրովսկի շրջանի մեջ, որի վրա ռուսական զորքերը ինտենսիվ հարձակումներ են իրականացնում վերջին մի քանի շաբաթների ընթացքում։