Վրաստանի հավաքականը Քարդիֆում սենսացիոն կերպով հաղթեց համաշխարհային ռեգբիի առաջատարներից մեկին՝ Ուելսի ուժեղագույն թիմին և բոլորովին նոր էջ գրեց վրացական ռեգբիի պատմության մեջ։ Հանդիպումից հետո Ուելսի ռեգբիի ֆեդերացիայի նախագահը, Վրաստանի հավաքականի ավագը և Վրաստանի ռեգբիի ֆեդերացիայի նախագահը մամուլի ասուլիս են հրավիրել։

Ջերալդ Դեյվիս, Ուելսի ռեգբիի ֆեդերացիայի նախագահ. «Խնդրում եմ ընդունեք մեր սրտանց շնորհավորանքները: Շնորհավորում ենք այս հիանալի խաղի կապակցությամբ: Վրաստանի հավաքականը վերջին ամիսներին զարմանալի հաջողությունների է հասել: Ամենայն բարիք ապագայի համար: Շարունակեք այդպես, բայց շատ ուժեղ մի եղեք աշխարհի առաջնությունում: Իմ թիմին կասեմ՝ դուք լավ խաղացիք և մեծ ջանքեր գործադրեցիք այս խաղում»։

Մերաբ Շարիքաձե, Վրաստանի հավաքականի ավագ. «Ցանկանում եմ շնորհակալություն հայտնել Ուելսին նման հյուրընկալության համար։ Սա զարմանալի երկիր է, որտեղ մենք միշտ ուրախ ենք գալ: Դա մեծ փորձ էր մեզ համար։ Շնորհակալ եմ Ուելսի հավաքականին, մեզ համար մեծ պատիվ էր խաղալ ձեզ հետ»:

Վրաստանի ռեգբիի ֆեդերացիայի նախագահ Իոսեբ Տղեմալաձե.«Շատ շնորհակալ եմ այս հրաշալի օրվա համար։ Շնորհակալություն Ուելսի հավաքականին։ Մենք սա կհիշենք մեր ողջ կյանքում: Մենք մեծ պատմություն ունեցող փոքր երկիր ենք, որը գտնվում է շատ դժվար տարածաշրջանում։ Այսօր հաստատումն է, որ պատմականորեն մենք այս ընտանիքի մասն ենք: Բոլորին խնդրում ենք մեզ հնարավորություն տալ նման մթնոլորտում խաղալու նման բարձր մակարդակի խաղեր, միասին նպաստենք ռեգբիի զարգացմանը։ Դե, ուելսցի տղաները պարտվեցին խաղը, բայց հանդիպումից հետո դիմեցին մեր ռեգբիստներին և շնորհավորեցին նրանց հաղթանակի կապակցությամբ։ Ամբողջ աշխարհը պետք է իրեն այսպես պահի: Խաղի ավարտից հետո գործընկերս ժպտում էր և շնորհավորում մեզ։ Սա հենց այն է, ինչ պետք է ժամանակակից աշխարհին։ Վրաստանը ցանկանում է ապացուցել, որ պատմականորեն մենք կարող ենք լավ խաղալ և ուրախություն կիսել բոլորի հետ»։