Ուկրաինան խզում է դիվանագիտական հարաբերությունները Սիրիայի հետ և պատժամիջոցներ է սահմանում
Ուկրաինան խզում է դիվանագիտական հարաբերությունները Սիրիայի հետ, նրա դեմ առևտրային էմբարգո և տնտեսական պատժամիջոցներ է սահմանում, – ասվում է Ուկրաինայի ԱԳ նախարարության հայտարարության մեջ։
Այս որոշումն Ուկրաինայի կառավարությունը ընդունել է Սիրիայի կողմից այսպես կոչված, անջատողական շրջանների Դոնեցկի և Լուգանսկի շրջանների անկախության ճանաչումից հետո։
«Ուկրաինայի արտաքին գործերի նախարարությունը խստորեն դատապարտում է Դոնեցկի և Լուգանսկի շրջանների այսպես կոչված ժամանակավոր օկուպացված տարածքները ճանաչելու՝ Սիրիայի Արաբական Հանրապետության որոշումը։ Ի պատասխան այս ոչ բարեկամական արարքի՝ Ուկրաինան հայտարարում է Սիրիայի հետ դիվանագիտական հարաբերությունների խզման մասին՝ առանց հյուպատոսական հարաբերությունների խզման՝ հյուպատոսական հարաբերությունների մասին Վիեննայի կոնվենցիայի 2-րդ հոդվածի համաձայն։ Ուկրաինական կողմը նաև ընթացակարգ է սկսում Սիրիայի նկատմամբ առևտրային էմբարգո սահմանելու, ինչպես նաև այլ պատժամիջոցներ սիրիական իրավաբանական և ֆիզիկական անձանց նկատմամբ», – ասվում է Ուկրաինայի ԱԳ նախարարության հայտարարության մեջ։
Ըստ Կիևի՝ Սիրիան փորձում է կեղծ սուբյեկտիվությամբ քվազի-ֆորմացիաներ ապահովել՝ պատվիրելով Կրեմլում իր կուրատորներին։ Ուկրաինան այս որոշումը դիտարկում է որպես ոչ բարեկամական գործողություն, երկրի ինքնիշխանության և տարածքային ամբողջականության խախտում, ուկրաինական իրավունքի, ՄԱԿ-ի կանոնադրության և միջազգային իրավունքի հիմնարար նորմերի, սկզբունքների կոպիտ խախտում։