Ուկրաինայի նախագահ Վլադիմիր Զելենսկին ժամանել է Գերմանիայի «Ռամշտայն» ռազմաբազա։

«Ես ժամանել եմ «Ռամշտայնի» ավիաբազա՝ մասնակցելու Ուկրաինայի պաշտպանության հարցերով կոնտակտային խմբի հանդիպմանը»,- գրել է Վլադիմիր Զելենսկին «Telegram»-ում։

Նրա խոսքով՝ Ուկրաինան սպասում է դաշնակիցների «որոշմանը» և այն միջոցներին, որոնք կօգնեն Կիևին կասեցնել Ռուսաստանի «օդային ահաբեկչությունը»։

«Անհրաժեշտ է, որ հայտարարված օգնության փաթեթներից բոլոր զենքերը վերջապես հասնեն մարտական ​​բրիգադներին»,- գրել է Զելենսկին։

Նա կրկնել է հեռահար զենքի առաքման իր խնդրանքը, որը, Ուկրաինայի նախագահի խոսքով, «կմոտեցնի արդար խաղաղությանը»։

Զելենսկին նաև հայտարարել է, որ պատրաստվում է հանդիպել ԱՄՆ-ի և Գերմանիայի պաշտպանության նախարարների հետ։

Գերմանիայից Զելենսկին կմեկնի Իտալիա, որտեղ կմասնակցի Միջազգային տնտեսական ֆորումին։