Վլադիմիր Զելենսկին ստորագրել է Կուրիլյան կղզիները ճապոնական տարածք ճանաչելու մասին հրամանագիրը
Ուկրաինայի նախագահ Վլադիմիր Զելենսկին հրամանագիր է ստորագրել Մոսկվայի և Տոկիոյի միջև վիճելի Կուրիլյան կղզիները ճապոնական տարածք և Ռուսաստանի կողմից ժամանակավորապես օկուպացված ճանաչելու մասին։
«Այսօր մենք կարեւոր, արդար, իրավաբանական առումով անբասիր, պատմական որոշում ենք կայացրել։ Ուկրաինան հաստատել է իր հարգանքը Ճապոնիայի ինքնիշխանության և տարածքային ամբողջականության նկատմամբ, ներառյալ հյուսիսային տարածքը, որը ներկայումս օկուպացված է Ռուսաստանի կողմից»,- հայտարարել է Վլադիմիր Զելենսկին։
Զելենսկու խոսքով՝ Կիևը կոչ է անում աշխարհին նման որոշում կայացնել։
Ուկրաինայի նախագահի խոսքով՝ Ռուսաստանն իրավունք չունի պահանջներ ներկայացնել այս տարածքի նկատմամբ, և «դա շատ լավ գիտի ամբողջ աշխարհը»։
«Անհրաժեշտ է միջոցներ ձեռնարկել և ազատել ռուսական օկուպացիայից բոլոր այն հողերը, որոնք օկուպանտները փորձում են յուրացնել»,- ասել է Զելենսկին։
Զելենսկու կարծիքով՝ ագրեսորը պետք է պարտվի:
Հիշեցնենք, որ վիճելի կղզիները Խորհրդային Միության կազմում ընդգրկվեցին Երկրորդ համաշխարհային պատերազմի ավարտից հետո։