Վլադիմիր Զելենսկին հայտարարել է, որ Ռուսաստանը մերժում է խաղաղության համաձայնագրի բոլոր առաջարկները և փորձում է երկարաձգել պատերազմը
Ուկրաինայի նախագահ Վլադիմիր Զելենսկու խոսքով՝ Ռուսաստանը մերժում է խաղաղության պայմանագրի բոլոր առաջարկները և փորձում է երկարացնել պատերազմը։
Ինչպես նշել է Զելենսկին իր տեսաուղերձում, անհրաժեշտ է ավելի խիստ պատժամիջոցներ կիրառել Ռուսաստանի դեմ, իսկ Ուկրաինան պատրաստ է առաջնորդների մակարդակով հանդիպմանը՝ խաղաղություն հաստատելու նպատակով։
«Աշխարհի բազմաթիվ երկրներ աջակցել են Ուկրաինային և դատապարտել են ռուսական ահաբեկչությունը, նրանց հարվածները և Ռուսաստանի մերժումը՝ դադարեցնելու պատերազմը։ Կրակի դադարեցման առաջարկները երկար ժամանակ եղել են բանակցությունների սեղանին՝ ուկրաինական առաջարկներ, ամերիկյան առաջարկներ, և աշխարհի շատ առաջնորդներ բարձրացրել են այս հարցը Ռուսաստանի հետ։ Ամեն անգամ միակ պատասխանը եղել է փորձը՝ շահել ավելի շատ ժամանակ պատերազմի համար, ավելի շատ ժամանակ ահաբեկչության համար։ Սա է միակ ձևը, որով գործում է Ռուսաստանը։ Ուկրաինան կրկին հանդես է գալիս նախաձեռնությամբ՝ դուրս գալ տեխնիկական մակարդակով քննարկումներից, հայտարարությունների պարզ փոխանակումից և իրականում հանդիպել առաջնորդների մակարդակով»։