Ուկրաինայի նախագահ Վլադիմիր Զելենսկին հայտարարել է, որ Ռուսաստանը առաջընթաց է գրանցում Վլադիմիր Պուտինի հետ հնարավոր հանդիպման հարցում: Այս մասին հայտնել են ուկրաինական լրատվամիջոցները։

Զելենսկին նշել է, որ երկար ժամանակ անց առաջին անգամ է այս հարցի վերաբերյալ ազդանշաններ տեսնում ռուսական կողմից: Ուկրաինայի նախագահի խոսքով՝ պատերազմի ավարտի վերաբերյալ քննարկումները պետք է սկսվեն առաջնորդների հանդիպումից, և Ուկրաինան անընդհատ հրապարակայնորեն բարձրացնում է այս հարցը։

«Մեզ անհրաժեշտ է նման հանդիպման օրակարգ, առաջնորդների մակարդակով հանդիպում: Հարցն այն է, որ մենք միշտ հրապարակայնորեն բարձրացնում ենք այս հարցը, և հիմա նրանք սկսել են մեզ հետ խոսել այդ մասին: Սա արդեն քայլ է դեպի հանդիպման որոշակի ձևաչափ», – ասել է Վլադիմիր Զելենսկին: