Վլադիմիր Զելենսկի. Ես պատրաստ եմ Պուտինի հետ խոսել առանց միջնորդների, երկխոսության, և ոչ թե վերջնագրերի պայմաններով
Ես պատրաստ եմ Պուտինի հետ խոսել առանց միջնորդների, երկխոսության, և ոչ թե վերջնագրերի պայմաններով,- իտալական լրատվամիջոցներին տված հարցազրույցում ասել է Ուկրաինայի նախագահ Վլադիմիր Զելենսկին։
Ինչպես նշել է Զելենսկին, Ռուսաստանի հետ բանակցությունների հարցը գնալով ավելի է բարդանում։
«Կարծում եմ՝ այդպես է, քանի որ փոքր քաղաքներն ամեն օր ապաօկուպացվում են, և մենք տեսնում ենք նվաստացման, խոշտանգումների և մահապատժի հետքեր, որոնք թողնում են ռուս զինվորականները։ Սա դժվարացնում է բանակցությունների հնարավորությունը։ Հիմա հասարակությունը դրա նկատմամբ դրական տրամադրվածություն չունի։ Որպես նախագահ՝ ես պատրաստ եմ խոսել Պուտինի հետ, բայց միայն նրա հետ, առանց միջնորդների, երկխոսության պայմաններով և ոչ՝ վերջնագրերով»,- ասել է Զելենսկին։