Անցած գիշեր Ռուսաստանի տարածքում շատ կարևոր արդյունք է գրանցվել,- ասել է Ուկրաինայի նախագահ Վլադիմիր Զելենսկին։

Նրա խոսքով՝ երեկ երեկոյան Ռուսաստանի տարածքում զինամթերքի պահեստների վրա հարձակումը շատ արդյունավետ է եղել։

«Նախ ուզում եմ շնորհակալություն հայտնել մեր մարտիկներին։ Երեկ երեկոյան Ռուսաստանի տարածքում շատ կարևոր արդյունք է նկատվել, հենց այդպիսի բաներն են թուլացնում թշնամուն։ Ես շնորհակալ եմ բոլորին, ովքեր ներգրավված են այս գործում: Նման ճշգրտությունը ոգեշնչող է»,- ասել է Զելենսկին։

Ուկրաինայի նախագահը խոսել է նաև Ուկրաինայի զինված ուժերի գերագույն գլխավոր հրամանատար Ալեքսանդր Սիրսկու զեկույցների մասին, մասնավորապես՝ Կուրսկի շրջանում իրավիճակի փոփոխությունների մասին։

Միաժամանակ Զելենսկին ասել է, որ հաղթական պլանը լիովին պատրաստված է։

«Բոլոր կետերը, բոլոր հիմնական կետերը, ամեն ինչ մշակված է։ Այժմ գլխավորը այս պլանն իրականացնելու որոշումն է»,- ասել է Զելենսկին։