Վլադիմիր Զելենսկի. Ուկրաինայի զինված ուժերը պատերազմի սկսվելուց հետո կարողացել են ազատագրել Կիևի մարզի 30 բնակավայր
Ուկրաինայի զինված ուժերը պատերազմի սկսվելուց հետո կարողացել են ազատագրել Կիևի շրջանի 30 բնակավայր։ Այս մասին տեսաուղերձում հայտնել է Ուկրաինայի նախագահ Վլադիմիր Զելենսկին։
«Կիևի պաշտպանության ժամանակ հնարավոր է դարձել ազատագրել Կիևի շրջանի ավելի քան 30 բնակավայր, որոնք ժամանակավորապես օկուպացվել են հակառակորդի կողմից»,- ասել է Զելենսկին։
Ուկրաինայի նախագահի խոսքով՝ ռուսական լայնածավալ միջամտության սկզբից Կիևի պաշտպանությունը ղեկավարում է ցամաքային զորքերի հրամանատար Ալեքսանդր Սիրսկին։ Զելենսկին ասել է, որ Սիրսկու պրոֆեսիոնալ և խիզախ գործողությունների արդյունքում հակառակորդը զգալի կորուստներ է կրել և դուրս մղվել մայրաքաղաքից։