Որոշ երկրների ներկայացուցիչներ ցանկանում են մասնակցել Մոսկվայում կայանալիք շքերթին, սա տարօրինակ ցանկություն է, մենք դա չենք խորհուրդ տալիս,- ասել է Ուկրաինայի նախագահ Վլադիմիր Զելենսկին։

Ինչպես նշել է Զելենսկին իր ամենօրյա ուղերձում, Ուկրաինան բազմիցս առաջարկել է Ռուսաստանին հրադադար, այդ թվում՝ մայիսի 6-ից։

«Ուկրաինան պատրաստ էր ապահովել լիակատար լռություն, բայց մեր խաղաղության առաջարկին ի պատասխան մենք ստացանք միայն նոր ռուսական հարվածներ, նոր սպառնալիքներ Ռուսաստանից», – ասել է Զելենսկին։

Նրա խոսքով՝ Ռուսաստանը փորձում է ապահովել շքերթի անվտանգ անցկացումը, բայց այդ դեպքում կշարունակվեն ռազմական գործողությունները։

«Ռուսական կողմը ցանկանում է թույլտվություն ստանալ շքերթն անցկացնելու համար, որպեսզի տարին մեկ անգամ կարողանան անվտանգ կերպով մտնել հրապարակ մեկ ժամով, ապա շարունակել սպանել մեր ժողովրդին», – ասել է Զելենսկին։

Ուկրաինայի նախագահի խոսքով՝ Ռուսաստանն արդեն խոսում է մայիսի 9-ից հետո հնարավոր հարվածների մասին։

«Ռուսներն արդեն խոսում են մայիսի 9-ից հետո հարվածների մասին։ Սա Ռուսաստանի ղեկավարության կողմից տարօրինակ և իսկապես անբավարար տրամաբանություն է։ Ռուսաստանին մոտ որոշ երկրներից նաև ցանկություն կա, որ իրենց ներկայացուցիչները գնան Մոսկվա։ Սա տարօրինակ ցանկություն է։ Մենք դա չենք խորհուրդ տալիս», – նշել է Զելենսկին։