Ուկրաինայի նախագահ Վլադիմիր Զելենսկին առաջարկում է հանդիպում Ռուսաստանի նախագահ Վլադիմիր Պուտինին։

Զելենսկին արձագանքել է Պուտինի հայտարարություններին և նշել, որ պատերազմի ավարտի և երկարատև խաղաղության ապահովման համար անհրաժեշտ է հանդիպում երկրների ղեկավարների մակարդակով։

Վլադիմիր Զելենսկու խոսքով՝ Ուկրաինան տեսնում է և աջակցում է ԱՄՆ նախագահի՝ Դոնալդ Թրամփի ջանքերին՝ ավարտելու պատերազմը, դադարեցնելու բոլոր սպանությունները և հասնելու արժանապատիվ, երկարատև խաղաղության։

Զելենսկին նաև հայտարարել է, որ Ուկրաինան հասկանում է, թե ով է որոշումներ ընդունում Ռուսաստանի Դաշնությունում և ով պետք է ավարտի այս պատերազմը։

«Մենք լսում ենք հայտարարություններ Ռուսաստանի կողմից, և եթե սա նրանց լուրջ պատրաստակամության ազդանշանն է՝ արժանապատվորեն ավարտելու պատերազմը, հաստատելու իսկապես կայուն խաղաղություն և ոչ թե պարզապես պատերազմի համար ավելի շատ ժամանակ շահելու կամ պատժամիջոցները հետաձգելու փորձ, ապա Ուկրաինան ևս մեկ անգամ հաստատում է պատրաստակամությունը՝ ցանկացած պահի հանդիպելու ղեկավարների մակարդակով։ Ուկրաինան առաջարկում է տեխնիկական մակարդակով հայտարարությունների փոխանակումից և հանդիպումներից անցնել ղեկավարների միջև զրույցի մակարդակին։ Ամերիկացիները այս առաջարկն արեցին, Ուկրաինան աջակցեց։ Պետք է Ռուսաստանի պատրաստակամությունը», — նշել է Վլադիմիր Զելենսկին։