Ուկրաինայի նախագահ Վլադիմիր Զելենսկին հայտարարել է, որ Ուկրաինան չի դիտարկում ՆԱՏՕ-ին անդամակցելու հնարավորությունը՝ օկուպացված տարածքները զիջելու դիմաց, թեև որոշ գործընկերներ կարող են նման մտքեր ունենալ։

Ուկրաինայի նախագահի խոսքով՝ լրատվամիջոցներում նման տեղեկատվության տարածումը պատահական չէ։

«Ինձ հետ ուղղակիորեն չեն խոսում այս բաների մասին, բայց լրատվամիջոցների միջոցով, իհարկե, ստուգում են նրա գնահատականը։ Կարծում եմ՝ ամեն ինչ կախված է ուկրաինական հասարակությունից»,- ասել է Վլադիմիր Զելենսկին։

Միաժամանակ, ինչպես նշել է նախագահը, Ուկրաինան այժմ բոլոր բանակցություններում բարձրացնում է անվտանգության երաշխիքների հարցը։

Հարցին, թե նա կարծում է, թե Ուկրաինան կարող է սկսել խոսել ՆԱՏՕ-ին մասնակի անդամակցության մասին՝ առանց օկուպացված տարածքների, Զելենսկին ասել է. «Բոլորը հասկանում են, որ անկախ նրանից, թե ինչ ճանապարհով ենք մենք գնում, ոչ ոք իրավաբանորեն չի ճանաչում օկուպացված տարածքները որպես այլ պետությունների տարածքներ։ Երկրորդ՝ ինչո՞ւ եմ ես շեշտում ՆԱՏՕ-ի հրավերը։ Որովհետև երկրին տրվում են միջազգայնորեն ճանաչված սահմաններ։ Եվ սա է ինձ համար հիմնականը՝ ընդունել հրավերը պատերազմի ժամանակ։ Ես հավատում եմ, որ սա մեր առաջարկած փաթեթի ուժեղ մասն է»: