Վլադիմիր Զելենսկի. Վատիկանում Թրամփի հետ ամենակարճ, բայց ամենաբովանդակային հանդիպումն էր
Ուկրաինայի նախագահ Վլադիմիր Զելենսկու խոսքով՝ ԱՄՆ նախագահ Դոնալդ Թրամփի հետ անձնական հանդիպումը լավագույնն էր, որ երբևէ ունեցել են առաջնորդները։ Այս մասին Զելենսկին հայտարարել է լրագրողներին։
«Հնարավոր է՝ սա ամենակարճ, բայց նաև ամենաբովանդակային հանդիպումն էր։ Թեև մեր թիմերի նկատմամբ հարգանքն անվիճելի է, իմ կարծիքով՝ անձամբ հանդիպելու ձևաչափը աշխատեց։ Մենք ունեինք ճիշտ մթնոլորտ զրույցի համար», – նշել է Զելենսկին։
Նրա կարծիքով՝ Վատիկանում կայացած հանդիպումից հետո Թրամփը սկսեց որոշ հարցեր ընկալել այլ կերպ։ Զելենսկին հավելել է նաև, որ Թրամփի հետ զրույցում բարձրացրել է Ռուսաստանի նկատմամբ պատժամիջոցների հարցը։
«Մանրամասների մեջ չեմ մտնի, բայց այն, ինչ նա ինձ ասաց, շատ հզոր էր հնչում», – հայտարարել է Ուկրաինայի նախագահը։