Վլադիմիր Զելենսկի. Ռուսաստանի դեմ կանխարգելիչ հարվածների մեջ ես նկատի ունեի պատժամիջոցները
Ռուսաստանի դեմ կանխարգելիչ հարվածների մեջ ես նկատի ունեի պատժամիջոցները,- «BBC»-ին տված հարցազրույցում ասել է Ուկրաինայի նախագահ Վլադիմիր Զելենսկին։
Զելենսկու խոսքով՝ ինքը պահանջել է կանխարգելիչ պատժամիջոցներ սահմանել Ռուսաստանի դեմ։ Ուկրաինայի ղեկավարը կարծում է, որ դա անհրաժեշտ է, քանի որ «Ռուսաստանն արդեն սկսել է իր հասարակությանը նախապատրաստել միջուկային զենքի հնարավոր կիրառմանը»։
«Դա դեռ փետրվարի 24-ից առաջ էր՝ մինչ ռուսական ներխուժումը։ Ես ասացի, որ մենք բարձրացրել ենք կանխարգելիչ հարվածների, պատժամիջոցային հարվածների թեման։ Ոչ թե երկխոսություն, ոչ խոսքեր, այլ դիպուկ հարվածներ – սա այն ամենն է, ինչ ես ուզում էի ասել: Հիմա էլ եվրոպական հանրությունը, առաջին հերթին՝ Մեծ Բրիտանիան, միշտ աջակցել է մեզ, շատ շնորհակալ ենք դրա համար։ Մենք ստիպված էինք պատժամիջոցներ կիրառել, կանխարգելիչ հարվածներ, որպեսզի վախեցնեինք Ռուսաստանին և նրա հանրությանը պատերազմի սկսելուց: Իսկ հիմա, երբ խոսում են միջուկային զենքի հիվանդագին պատկերացումների մասին, ես ասում եմ՝ թույլ մի տվեք, որ այդ մասին խոսեն ռուսական հանրության հետ։ Նրանք սկսում են պատրաստել հանրությանը: Սա շատ վտանգավոր է»,- ասել է Զելենսկին։
Հիշեցնենք, որ Ուկրաինայի նախագահ Վլադիմիր Զելենսկին Ավստրալական համալսարանում հավաքված հանրության առջեւ ելույթ ունենալիս ասել էր, որ «ՆԱՏՕ-ն պետք է կանխարգելիչ հարված հասցնի Ռուսաստանին, եթե Մոսկվան փորձի միջուկային զենք կիրառել»։
Միաժամանակ, Ուկրաինայի նախագահի գրասենյակը բացատրել է, որ Զելենսկին Ռուսաստանի վրա կանխարգելիչ միջուկային հարվածի կոչ չի արել։