Վլադիմիր Զելենսկի. Ռուսաստանը կանգ չէր առնի Ուկրաինայի սահմանների վրա, եթե մենք չկանգնեցնեինք, հարձակման կենթարկվեին այլ պետություններ՝ Բալթյան երկրները, Լեհաստանը, Մոլդովան, Վրաստանը, Ղազախստանը
Ռուսաստանը կանգ չէր առնի Ուկրաինայի սահմանների վրա: Եթե մենք չկանգնեցնեինք, հարձակման կենթարկվեին այլ պետություններ՝ Բալթյան երկրները, Լեհաստանը, Մոլդովան, Վրաստանը, Ղազախստանը,- իր ելույթում ասել է Ուկրաինայի նախագահ Վլադիմիր Զելենսկին։
Նրա խոսքով՝ Ռուսաստանը կգնա ցանկացած բարբարոսության, միայն թե ընդլայնի վերահսկողության գոտին։
«Ռուսաստանը կանգ չէր առնի մեր սահմաններին: Եթե մենք չկանգնեցնեինք, հարձակման կենթարկվեին այլ պետություններ՝ Բալթյան երկրները, Լեհաստանը, Մոլդովան, Վրաստանը, Ղազախստանը: Ռուսաստանը հավակնում էր նվաճել եվրոպական ու ասիական տարբեր ազգեր։ Նա պահանջ է ներկայացրել կես տարի առաջ: Այս հանցավոր նկրտումները բռնկվում են Ուկրաինայում»,- ասել է Զելենսկին։
Զելենսկու խոսքով՝ Ռուսաստանը զգում է Ուկրաինայի ուժը, դրա համար էլ շտապում է և անեքսիայի փորձի ֆարս է անում։
«Նա փորձում է գողանալ այն, ինչ իրեն չի պատկանում։ Նա ցանկանում է վերաշարադրել պատմությունը և վերագծել սահմանները սպանություններով, նվաստացումներով, շանտաժով և ստերով»,- ասել է Ուկրաինայի նախագահը։