Ռուսաստանի նախագահ Վլադիմիր Պուտինի խոսքով՝ Ուկրաինան փորձել է հարձակվել Կուրսկի ատոմակայանի վրա։

Այս մասին նա հայտարարել է Ռուսաստանի շրջանների ղեկավարների հետ հանդիպմանը։

Ռոյթերսի փոխանցմամբ՝ Պուտինը մեղադրել է Ուկրաինային Կուրսկի ատոմակայանի վրա հարձակվելու փորձի մեջ եւ ասել, որ Մոսկվան իրավիճակի մասին տեղեկացրել է ՄԱԿ-ի Ատոմային էներգիայի միջազգային գործակալությանը։

«Հակառակորդը երեկ երեկոյան փորձել է հարձակվել Կուրսկի ատոմակայանի վրա։ Այդ մասին հայտնել է Ատոմային էներգիայի միջազգային գործակալությունը։ Խոստանում են գալ ու մասնագետներ ուղարկել՝ իրավիճակը գնահատելու։ Հուսով եմ, որ ի վերջո դա կանեն իրենց կողմից»,- ասել է Պուտինը։

ՌԴ նախագահը միջադեպի մասին հավելյալ մանրամասներ չի հայտնել։

Ուկրաինան դեռ չի մեկնաբանել Վլադիմիր Պուտինի մեղադրանքը։

Նույն հանդիպմանը Կուրսկի մարզի նահանգապետի պաշտոնակատար Ալեքսեյ Սմիրնովը հայտարարել է, որ Կուրսկի ատոմակայանում իրավիճակը կայուն է։