Վլադիմիր Պուտինը և Սթիվ Ուիթքոֆը Մոսկվայում կայացած հանդիպման ժամանակ քննարկել են Ռուսաստանի և Ուկրաինայի միջև ուղիղ բանակցությունների վերսկսման հնարավորությունը
Ավարտվել է Ռուսաստանի նախագահ Վլադիմիր Պուտինի և ԱՄՆ նախագահի ներկայացուցիչ Սթիվ Ուիթքոֆի հանդիպումը։ Բանակցությունները տևել են երեք ժամ։
Ռուսաստանի նախագահի խորհրդական Յուրի Ուշակովը, որը ներկա է եղել հանդիպմանը, նշել է, որ Պուտինի և Ուիթքոֆի հանդիպումը եղել է կառուցողական և օգտակար։
Նրա խոսքով՝ հանդիպման ժամանակ կողմերը քննարկել են Ռուսաստանի և Ուկրաինայի միջև ուղիղ բանակցությունների վերսկսման հնարավորությունը։
«Ռուսաստանի և ԱՄՆ նախագահների միջև ձեռք բերված պայմանավորվածության համաձայն՝ արդյունավետ ռուս-ամերիկյան երկխոսությունը տարբեր մակարդակներում կշարունակվի ակտիվ ռեժիմում», – ասել է Ուշակովը լրագրողների հետ զրույցում։
Ուշակովի խոսքով՝ Մոսկվայում կայացած հանդիպումը հնարավորություն տվեց Մոսկվայի և Վաշինգտոնի դիրքորոշումները միմյանց մոտեցնել ոչ միայն Ուկրաինայի, այլև այլ միջազգային հարցերի շուրջ։