Շառլ Միշելի հայտարարությանը, թե Ռուսաստանը դավաճանել է Հայաստանին Ղարաբաղում, Վլադիմիր Պուտինը պատասխանել է ռուսական ժողովրդական արտահայտությամբ, ինչը նշանակում է, որ հայտարարության հեղինակը ձայն հանելու տեղ չունի։

Ըստ ՌԴ նախագահի՝ Հայաստանն ինքը ճանաչել է Ղարաբաղը որպես Ադրբեջանի մաս, իսկ Հայաստանի ղեկավարներն ուղղակիորեն քառակուսի կիլոմետրերով անվանել են Ադրբեջանի տարածքը, որն, իհարկե, ներառում է Ղարաբաղը։

Ըստ Պուտինի՝ Ռուսաստանն արդեն 15 տարի է, ինչ Երեւանին փոխզիջում է առաջարկում Բաքվի հետ։

«Մենք մեր հայ ընկերներին ասում էինք՝ Ղարաբաղի շուրջ հինգ շրջանները վերադարձրեք Ադրբեջանին, երկուսը ձեզ համար պահեք և այդպիսով պահպանեք տարածքային կապը Հայաստանի և Ղարաբաղի միջև, բայց մեր ղարաբաղցի ընկերները մեզ անընդհատ ասում էին. «Վտանգներ կան մեզ համար»։ «Ոչ, մենք դա չենք կարող անել»: «Ի՞նչ եք անելու», «Մենք կկռվենք»։ Ի վերջո, այն հասավ զինված հակամարտության 2020 թվականին: Ի դեպ, նախագահ Ալիևը, հավանաբար, ինձնից չի նեղվի, բայց ինչ-որ պահի պայմանավորվածություն ձեռք բերվեց, որ ադրբեջանական զորքերը կանգ կառնեին։ Անկեղծ ասած, կարծում էի, որ խնդիրը լուծված է։ Զանգեցի Երևան և հանկարծ լսեցի. «Չէ, թող թողնեն Ղարաբաղի այն աննշան հատվածը, որտեղ մտել են ադրբեջանական զորքերը»։ Նորից ասացին, որ կռվելու են»,- ասել է Վլադիմիր Պուտինը։

Եվրոպական խորհրդի նախագահ Շառլ Միշելն ասել է.«Բոլորի համար ակնհայտ է, որ Ռուսաստանը դավաճանել է հայ ժողովրդին»։