Եվրամիությունն այս պահին ընդհանրապես չունի քաղաքական ինքնիշխանություն, և դա կհանգեցնի տնտեսական ինքնիշխանության կորստի, – այս մասին Բելառուսի նախագահ Ալեքսանդր Լուկաշենկոյի հետ հանդիպման ժամանակ հայտարարել է Ռուսաստանի նախագահ Վլադիմիր Պուտինը։

Ռուսաստանի նախագահի խոսքով՝ քաղաքական ինքնիշխանության կորուստը այժմ բերում է տնտեսական ինքնիշխանության կորստի և հսկայական կորուստների, ուստի հիմնական խնդիրներից մեկը, այդ թվում՝ Ուկրաինայում ընթացող պատերազմի խնդիրներից, Ռուսաստանի ինքնիշխանության ամրապնդումն է։

Պուտինի հայտարարությամբ՝ Ռուսաստանի և Ուկրաինայի անվտանգությունը կարող է ապահովվել համաեվրոպական անվտանգության համատեքստում։ Նրա խոսքով՝ անհրաժեշտ է երկարաժամկետ խաղաղություն հաստատելու քայլերի քննարկում՝ առանց ժամանակային սահմանափակումների։

Վլադիմիր Պուտինը նաև նշել է, որ Արևմուտքը ցանկանում է կանգնեցնել Ռուսաստանի առաջխաղացումը, սակայն նախկինում նույնպես փորձել է պարտության մատնել նրան։

«Ինչ վերաբերում է ցանկացած մարդու կողմից զգացած հիասթափությանը, ապա բոլոր հիասթափությունները գալիս են չափազանցված սպասումներից։ Սա հայտնի ընդհանուր կանոն է, բայց խնդիրը խաղաղ ճանապարհով լուծելու համար անհրաժեշտ են հիմնավորված զրույցներ և ոչ թե՝ հրապարակային։ Սա պետք է արվի հանգիստ, բանակցությունների գործընթացի լռության մեջ։ Հենց այդ պատճառով մենք առաջարկեցինք ստեղծել երեք խումբ։ Ընդհանուր առմամբ, ուկրաինական կողմի արձագանքը դրական էր։ Մենք համաձայնեցինք, որ նման բանակցությունները կարող ենք վարել առանց տեսախցիկների և առանց որևէ քաղաքական աղմուկի, խաղաղ միջավայրում և փնտրել փոխզիջումներ։ Խմբերը դեռ աշխատանքը չեն սկսել։ Մենք սպասում ենք, որ այս գործընթացը կսկսվի։ Պայմանները, իհարկե, նույնն են մնացել։ Դրանք պայմաններ չեն, այլ՝ նպատակներ։ Ես ձևակերպել եմ Ռուսաստանի նպատակները։ Մինչ այդ մեզ ասում էին, որ անհասկանալի է, թե ինչ է ուզում Ռուսաստանը։ Այնտեղ ամեն ինչ պարզ է, սակայն կարևորն այս ճգնաժամի արմատական պատճառների վերացումն է։ Ի դեպ, ուկրաինական պատվիրակությունը կարծիք հայտնեց, որ գուցե իմաստ ունի քննարկել և՛ Ռուսաստանի, և՛ Ուկրաինայի անվտանգությունը համաեվրոպական անվտանգության համատեքստում։ Այս գաղափարը հայտնել է ուկրաինական պատվիրակության առաջնորդներից մեկը։ Ընդհանուր առմամբ, մենք հավատում ենք, որ դա ճիշտ է։ Եթե Ուկրաինայի ղեկավարությունը կարծում է, որ հիմա բանակցությունների ժամանակը չէ և պետք է սպասել, մենք պատրաստ ենք սպասել», – հայտարարել է Վլադիմիր Պուտինը։