Ռուսաստանի և Չինաստանի համագործակցությունն աշխարհում հիմնական կայունացնող գործոններից մեկն է, երկրներն ամրապնդում են համակարգումը գլոբալ անվտանգության և արդար աշխարհակարգի ուղղությամբ, հայտարարել է Ռուսաստանի նախագահ Վլադիմիր Պուտինը Կազանում Չինաստանի նախագահ Սի Ցզինպինի հետ հանդիպման ժամանակ։

Պուտինի խոսքով, երկկողմ առևտրի նախորդ տարվա ռեկորդներից հետո Ռուսաստանը և Չինաստանը, չնայած արտաքին բացասական ազդեցություններին, պահպանում են տնտեսական աճի դինամիկան։

Ռուսաստանի նախագահի խոսքով, երկու երկրները հաջողությամբ համատեղ նախագծեր են իրականացնում էներգետիկայի, արդյունաբերության, բարձր տեխնոլոգիաների, տրանսպորտի, գյուղատնտեսության և շատ այլ ոլորտներում։

Իր հերթին Չինաստանի նախագահը նշել է, որ միջազգային ասպարեզում լուրջ անկարգությունները չեն կարող սասանել Ռուսաստանի և Չինաստանի հարաբերությունների անձեռնմխելիությունը։

Չինաստանի ղեկավարը նշել է, որ երկու երկրների հարաբերությունները տասը տարվա ընթացքում դարձել են աննախադեպ, որոնք դիմակայել են միջազգային իրավիճակի փորձությանը։

Այս տարի Ռուսաստանը և Չինաստանը նշում են դիվանագիտական ​​հարաբերությունների հաստատման 75-ամյակը։ 2023 թվականին երկրների միջև ապրանքաշրջանառությունը հասել է ռեկորդային 227,8 միլիարդ դոլարի։ 2024 թվականին, ինչպես նշվում է բանակցային նյութերում, երկկողմ առևտուրը շարունակում է աճել։

Կազանում տեղի է ունենում «ԲՐԻԿՍ»-ի գագաթնաժողովը, որը կտեւի մինչեւ հոկտեմբերի 24-ը։