Վլադիմիր Պուտին. Ռուս զինվորականները միշտ ազատություն են բերել այլ ժողովուրդներին
Ռուսաստանի նախագահ Վլադիմիր Պուտինի խոսքով՝ ռուս զինվորականները Ուկրաինայում պատվով են կատարում ստանձնած պարտավորությունները։ Բացի այդ, ըստ նրա, զինվորականները միշտ հուսալիորեն պաշտպանել են հայրենիքի ինքնիշխանությունն ու անվտանգությունը և ազատություն են բերել այլ ժողովուրդներին։
Նրանք պայքարում են Ռուսաստանի համար, Դոնեցկի և Լուգանսկի Ժողովրդական Հանրապետություններում խաղաղ կյանքի համար, կատարում են բոլոր առաջադրանքները, քայլ առ քայլ ազատագրում են Դոնբասը»,- ասել է Պուտինը։
Նա նաև շնորհակալություն է հայտնել զենք արտադրողներին, որոնք, ըստ Պուտինի, ժամանակակից զենք են մատակարարում ռուսական բանակին և նավատորմին։ ՌԴ նախագահը նաև նշել է, որ Ռուսաստանը կարևորում է հարաբերությունները Լատինական Ամերիկայի, Ասիայի և Աֆրիկայի երկրների հետ։ Նրա խոսքով՝ Ռուսաստանը պատրաստ է ռուսական զենք տրամադրել բոլոր այն գործընկերներին, որոնց հետ նախատեսվում է զարգացնել ռազմատեխնիկական համագործակցությունը։
«Մենք գնահատում ենք, որ Ռուսաստանն ունի բազմաթիվ դաշնակիցներ, գործընկերներ, համախոհներ տարբեր մայրցամաքներում»,- ասել է Պուտինը։