13 տարի առաջ հիմնադրվեց մի քաղաքական կուսակցություն, որը, ըստ էության, ընդամենը մի քանի ամսում կարողացավ հաղթել «Ազգային շարժում»-ին՝ արյունալի ռեժիմին, – ասել է «Վրացական երազանք»-ի անդամ Վլադիմիր Բոժաձեն։

Բոժաձեի խոսքով՝ 13 տարի անց Վրաստանը անկախ և ինքնիշխան երկիր է, ինչպես երբեք։

«Եվրոպական Միության հետ մեր ունեցած բոլոր հաջողությունները կապված են «Վրացական երազանքի» հետ»։ Բնականաբար, մենք կանենք ամեն ինչ, որպեսզի պատրաստ լինենք Եվրամիության անդամակցությանը 2030 թվականին, լինենք ամենապատրաստվածը մյուս թեկնածու պետությունների շարքում։ Ամենակարևորը, որ պետք է նշել, այն խաղաղությունն ու կայունությունն է, որը մեր երկիրը անընդմեջ վայելել է վերջին 13 տարիների ընթացքում, և հատկապես վերջին երեք տարիները մեր երկրի համար ամենադժվարն էին խաղաղությունն ու կայունությունը պահպանելու հարցում։

Վերջին չորս տարիների ընթացքում մենք իրականում ունեցել ենք տնտեսության երկնիշ աճ։ Այս տարի յուրաքանչյուր քաղաքացու եկամուտը կգերազանցի 10,000 դոլարը, և առաջիկա տարիներին մենք կանենք ամեն ինչ՝ խաղաղությունն ու կայունությունը պահպանելու և երկրի առաջընթացն ու զարգացումը շարունակելու համար», – ասել է Վլադիմիր Բոժաձեն։

Այսօր լրանում է «Վրացական երազանքի» հիմնադրման 13 տարին։