Պրովոկացիոն հարցին ի պատասխան Մարկո Ռուբիոն չի նշել Վրաստանի կամ «Վրացական երազանքի» անունը։ Այս մասին հայտարարել է խորհրդարանական մեծամասնության անդամ Վլադիմեր Բոժաձեն։

Նրա խոսքով՝ ԱՄՆ պետքարտուղար Մարկո Ռուբիոյին հարց ուղղել է կոնգրեսական Ջո Ուիլսոնը, որը հայտնի է հակավրացական քաղաքականությամբ և Վրաստանում աջակցում է ռադիկալ ընդդիմությանը։

«Այս մարդը «Բարեկամական ակտի» հեղինակն է, ինչը ամոթալի է։ Պրովոկացիոն հարցին ի պատասխան Մարկո Ռուբիոն չի նշել Վրաստանի կամ «Վրացական երազանքի» անունը։ Նա ասել է՝ եթե աշխարհում գոյություն ունի հակաամերիկյան կառավարություն, ապա պարզ կդառնա՝ անհրաժեշտ է արդյոք այդ կառավարությունը ԱՄՆ-ին։ Վրաստանը չունի հակաամերիկյան կամ հակաարևմտյան կառավարություն։ Ինչպիսին է կառավարությունը՝ սա լավ գիտեն Մարկո Ռուբիոն և վրաց ժողովուրդը։ Չնայած նրան, որ նոր վարչակազմի ձևավորումից անցել է մի քանի ամիս, ԱՄՆ-ն չունի հստակեցված դիրքորոշում Վրաստանի և տարածաշրջանի վերաբերյալ։ Հույս ունեմ, որ վրաց-ամերիկյան հարաբերությունները կսկսեն նոր էջից և կվերադառնանք այն մակարդակին, ինչ ունեինք», – նշել է Վլադիմեր Բոժաձեն։