Ազգային վիճակագրական ծառայության նախնական տեղեկատվության համաձայն՝ 2023 թվականի հունվար-օգոստոսին Վրաստանում ապրանքներով արտաքին առևտրաշրջանառությունը (առանց չհայտարարագրված առևտրի) կազմել է 14,005,0 մլն ԱՄՆ դոլար, ինչը 16,8 տոկոսով ավելի է նախորդ տարվա համապատասխան ժամանակահատվածի համեմատ։

Դրանից արտահանումը կազմել է 4079,4 մլն ԱՄՆ դոլար, այսինքն՝ աճել է 14,4 տոկոսով, իսկ ներմուծումը` 9,925,7 մլն ԱՄՆ դոլար, աճը կազմել է 17,8 տոկոս։

Վրաստանի բացասական առեւտրային հաշվեկշիռը 2023 թվականի հունվար-օգոստոսին կազմել է 5846,3 մլն ԱՄՆ դոլար, ինչը կազմում է արտաքին առեւտրաշրջանառության 41,7 տոկոսը։

Բացի այդ, Ազգային վիճակագրական ծառայության տվյալների համաձայն, 2023 թվականի հունվար-օգոստոսին տասը խոշորագույն առևտրային գործընկեր երկրների մասնաբաժինը Վրաստանի ընդհանուր արտաքին առևտրաշրջանառության մեջ կազմել է 68,7 տոկոս։ Երկրի խոշորագույն առևտրային գործընկերներն են՝ Թուրքիան՝ 1 944,0 մլն. ԱՄՆ դոլարով, Ռուսաստանը՝ 1,686.9 մլն. ԱՄՆ դոլարով և ԱՄՆ` 1 240.0 մլն. ԱՄՆ դոլարով։