Ազգային վիճակագրական ծառայության նախնական տվյալներով՝ 2024 թվականի հունվար-օգոստոսին Վրաստանից արտահանված ապրանքների ծավալը (առանց չհայտարարագրված արտահանման) կազմել է 4 173,9 մլն. դոլար, ինչը 2,5 տոկոսով գերազանցում է նախորդ տարվա համապատասխան ցուցանիշը։

Ըստ Վիճակագրության ծառայության, տեղական արտահանումը, առանց վերաարտահանման, կազմում է ընդհանուր արտահանման 43,7 տոկոսը։ Նշված ցուցանիշը նախորդ տարվա համեմատ նվազել է 4.3 տոկոսով և կազմել 1 825.2 մլն.։

2024 թվականի հունվար-օգոստոսին տասը խոշորագույն երկրների մասնաբաժինը Վրաստանի ընդհանուր տեղական արտահանման մեջ կազմել է 73,8 տոկոս։ Այս առումով արտահանման խոշորագույն գործընկերներն են Ռուսաստանը՝ 376,5 մլն. ԱՄՆ դոլարով՝ Թուրքիա՝ 287,6 մլն. ԱՄՆ դոլար եւ Չինաստան՝ 181,7 մլն. ԱՄՆ դոլարով։

Ըստ Վիճակագրության ծառայության՝ 2024 թվականի հունվար-օգոստոսին ֆեռոհամաձուլվածքները տեղական արտահանման տասնյակում առաջին տեղում են՝ 219,3 մլն. ԱՄՆ դոլարով։ Նշված ապրանքախմբի մասնաբաժինը կազմում է ընդհանուր տեղական արտահանման 12.0 տոկոսը։ Երկրորդ տեղում են բնական խաղողի գինիները՝ 195,8 մլն. ԱՄՆ դոլարով, իսկ երրորդ տեղում են հանքաքարերը և թանկարժեք մետաղների խտանյութերը 147,9 մլն. ԱՄՆ դոլարով։