Ազգային վիճակագրական ծառայության նախնական տվյալներով՝ 2024 թվականի հունվարին տասը խոշորագույն արտահանման գործընկեր երկրների մասնաբաժինը Վրաստանի ընդհանուր արտահանման մեջ կազմել է 80,8 տոկոս։ Արտահանողների առաջին եռյակում առաջին տեղն է զբաղեցնում Ղրղզստանը՝ 46,2 մլն. ԱՄՆ դոլարով, երկրորդ տեղում է Ռուսաստանը՝ 41,6 մլն. ԱՄՆ դոլարով, իսկ Ադրբեջանը երրորդն է՝ 40,9 մլն. ԱՄՆ դոլարով։

Ինչ վերաբերում է ներմուծմանը, ապա գործակալության տվյալներով՝ 2024 թվականի հունվարին Վրաստանի ներմուծման ընդհանուր ծավալում տասը խոշորագույն ներմուծման գործընկեր երկրների մասնաբաժինը կազմել է 70,0 տոկոս։ Լավագույն եռյակում է Թուրքիան՝ 203,1 մլն. ԱՄՆ դոլարով, Ռուսաստանը՝ 148,4 մլն. ԱՄՆ դոլարով եւ Չինաստանը՝ 76,4 մլն. ԱՄՆ դոլարով։

Բացի այդ, ըստ գործակալության հաշվետվության, 2024 թվականի հունվարին ապրանքախմբերի շարքում արտահանման տասը կատեգորիաներում առաջին տեղը զբաղեցրել են մարդատար մեքենաները՝ 112,0 մլն. ԱՄՆ դոլարով, ինչը կազմում է ամբողջ արտահանման 33,1 տոկոսը։ Երկրորդ տեղը զբաղեցնում են ֆեռոհամաձուլվածքները՝ 19,4 մլն. ԱՄՆ դոլարով, իսկ երրորդ տեղում են բնական խաղողի գինիները՝ 18.0 մլն. ԱՄՆ դոլարով։

Ըստ Վիճակագրության ծառայության, 2024 թվականի հունվարին ներմուծման ամենամեծ ապրանքախումբը ներկայացվել է մարդատար մեքենաների տեսքով, որոնց ներմուծումը կազմել է 101,4 մլն. դոլար եւ կազմել ամբողջ ներմուծման 10,1 տոկոսը։ Երկրորդ տեղը զբաղեցնում են նավթն ու նավթամթերքը՝ 80,4 մլն. ԱՄՆ դոլարով, իսկ երրորդ տեղում նավթային գազերն ու այլ գազային ածխաջրածիններն են՝ 66,8 մլն. ԱՄՆ դոլարով։