Ազգային վիճակագրական ծառայության տվյալներով՝ տարեկան գնաճի ձևավորման վրա հիմնական ազդեցությունը թողել է սննդամթերքի և ոչ ալկոհոլային խմիչքների գների փոփոխությունը։ Խմբում գները աճել են 7.5 տոկոսով, ինչը արտացոլվել է տարեկան գնաճի մեջ 2.58 տոկոսային կետով։ Ձկան, մրգերի և խաղողի գները աճել են 21.3 տոկոսով, թանկացել են 11.8 տոկոսով, մսի և մսամթերքի գները՝ 10.1 տոկոսով։ Բանջարեղենի և այգեգործական մշակաբույսերի գները աճել են 9.3 տոկոսով։ Հացի և հացաբուլկեղենի գները թանկացել են 7.7 տոկոսով, շաքարավազի, մուրաբայի և այլ քաղցրավենիքի գները՝ 7.3 տոկոսով, ձեթի և ճարպի գները՝ 6.3 տոկոսով, իսկ կաթի, պանրի և ձվի գները՝ 4.5 տոկոսով։ Սուրճը, թեյը և կակաոն թանկացել են 3.2 տոկոսով, հանքային և աղբյուրի ջրերը, ոչ ալկոհոլային խմիչքները և բնական հյութերը՝ 0.8 տոկոսով։

Տրանսպորտի խմբում գները աճել են 10.3 տոկոսով, ինչը արտացոլվել է տարեկան գնաճի մեջ 1.2 տոկոսային կետով։ Անձնական տրանսպորտային միջոցների շահագործման գները աճել են 15.1 տոկոսով, իսկ տրանսպորտային ծառայություններիը՝ 9.2 տոկոսով։

Բնակարան, ջուր, էլեկտրաէներգիա, գազ. խմբում գները աճել են 6.5 տոկոսով, ինչը ընդհանուր ինդեքսում արտացոլվել է 0.62 տոկոսային կետով։ Գները աճել են հետևյալ ենթախմբերում՝

Էլեկտրաէներգիա, գազ և ջեռուցման այլ տեսակներ (10.2 տոկոս), բնակարանների ընթացիկ սպասարկում և վերանորոգում (4.3 տոկոս) և բնակարանային հարկ (3.5 տոկոս)։

Բազմազան ապրանքներ և ծառայություններ. խմբում գները աճել են 9.0 տոկոսով, ինչը ընդհանուր ինդեքսում արտացոլվել է 0.45 տոկոսային կետով։ Գները հիմնականում աճել են ենթախմբերում՝ անձնական իրեր, որոնք այլուր չեն դասակարգվել (49.6 տոկոս), ապահովագրություն (8.5 տոկոս), անձնական հիգիենա (4.6 տոկոս)։